 |
| Shaneeb Moozhikkal |
മുസ്ലിം ലീഗ് നേതാവും , തിരുരങ്ങാടി യത്തീം ഖാനക്കും, അനുബന്ധ സ്ഥാപനങ്ങള്‍ക്കും നേതൃത്വം നല്‍കുകയും ചെയ്ത എം.കെ .ഹാജി ഓര്‍മ്മയായിട്ടു 28 വര്‍ഷം പിന്നിട്ടു . എം .കെ .ഹാജി ആദ്യം വിവാഹം കഴിച്ചിരുന്നത് പാലത്തിങ്ങലെ മമ്മാതിയെയായിരുന്നു. ഇതില്‍ ഫാത്തിമക്കുട്ടി എന്ന പുത്രിക്ക് ജന്മം നല്‍കി . പക്ഷെ അധിക കാലത്തിനു മുന്‍മ്പേ മമ്മാദിയ മരണപ്പെട്ടു .
പാലത്തിങ്ങല്‍ മൂന്നുകണ്ടത്തില്‍ അഹമ്മദിന്റെയും , തിരുരങ്ങാടിയിലെ വീ.പീ .ബീവിയുടെയുടെയും മകനായാണ്‌ എം .കെ .ഹാജിയുടെ
ജനനം . രണ്ടര വയസ്സില്‍ പിതാവ് മരണപ്പെട്ടതോടെ തീര്‍ത്തും അനാഥമായി . ഏഴാം വയസ്സില്‍ ഉമ്മ ബീവിക്കൊപ്പം പാലത്തിങ്ങലില്‍ നിന്നും തിരുരങ്ങാടിയിലേക്ക് തിരിക്കുകയായിരുന്നു . എം .കെ .ഹാജിയെ കൂടാതെ കദിയക്കുട്ടി , കുഞ്ഞിക്കദിയ എന്നിവരായിരുന്നു അഹമ്മദിന്റെയും , ബീവിയുടെയും മറ്റു മക്കള്‍ . പത്തിരി വിറ്റു കൊണ്ടാണ് ഉമ്മ ബീവി മക്കളെ പോറ്റിയിരുന്നത് . ഉമ്മയെ പത്തിരി വില്പനയ്ക്ക് സഹായിക്കാന്‍ എം.കെ.ഹാജി മൂന്നാം ക്ലാസ്സില്‍ പഠനം നിര്‍ത്തി . 15 വയസ്സുള്ളപ്പോള്‍ മദ്രാസിലേക്ക് വണ്ടി കയറി , അവിടെ ചെറിയ ചായ കച്ചവടം ഒരുക്കി . ഇതു പിന്നീട് മദ്രാസിലും , കര്‍ണ്ണാടകയിലും വലിയ വ്യാപാരമായി വളര്‍ന്നു . മദ്രാസില്‍ വെച്ച് ഖായിദെമില്ലത്ത് ഇസ്മില്‍ സാഹിബുമായി പരിജയപ്പെട്ടു . അത് മുസ്ലിം ലീഗില്‍ സജീവമാവാന്‍ ഇടയാക്കി ..
അക്കാലത്ത് പടര്‍ന്നു പിടിച്ച കോളറയെത്തുടര്‍ന്ന് നിരവധി കുട്ടികള്‍ അനാഥരായി . ഇവരെ സംരക്ഷിക്കേണ്ടത് ബാധ്യത ആണെന്ന് മനസ്സിലാക്കിയ എം .കെ .ഹാജി യത്തീം ഖാന സ്ഥാപിക്കാന്‍ നേതൃത്വം നല്‍കി . രണ്ടര വയസ്സില്‍ അനാഥമായതിന്റെ അനുഭവത്തില്‍ യത്തീം ഖാന സ്ഥാപിച്ചു കൊണ്ട് അനാഥര്‍ക്കു തണലൊരുക്കി . തനിക്കു നഷ്ട്ടപ്പെട്ട വിദ്യാഭ്യാസം മറ്റുള്ളവര്‍ക്ക് നഷ്ട്ടപ്പെടരുതെന്ന മനസ്സില്‍ നിന്ന് വിദ്യാഭ്യാസ സ്ഥാപനങ്ങള്‍ക്കും നേതൃത്വം നല്‍കി ..
കടപ്പാട് : ഇഖ്‌ബാല്‍ കല്ലുങ്ങള്‍ ( ചന്ദ്രിക )
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ