Safdar Palathingal |
സകല അവശ്യ സാധനങ്ങളും ലഭ്യമായിരുന്ന വെറും സ്റ്റേഷനറിക്കട മാത്രമല്ലായിരുന്നു മര്ഹൂം കുഞ്ഞാപ്പുഹാജിയുടെത്. അത് ഒരു വായനശാലയായിരുന്നു,സിറാജ് ദിനപത്രം,രിസാല, സുന്നിവേദി,പൂങ്കാവനം തുടങ്ങി എല്ലാ സുന്നി പ്രസിദ്ധീകരണങ്ങളും അവിടെ വെച്ച് ആര്ക്കും വായിക്കാമായിരുന്നു,അതിലുമപ്പുറം സംഘടനാ വിശേഷങ്ങളും മറ്റുംഎല്ലാവരോടും സഹിഷ്ണുതയോടെ ചര്ച്ച ചെയ്യുന്ന ഒരു കേന്ദ്രം .അതിനു സമാന്തരമായി വെറും പച്ചക്കറികള് (തക്കാളി ,ഉള്ളി ,മൈസൂര് ബായക്കയും )മാത്രം വില്ക്കപ്പെടുന്ന പച്ചക്കറിക്കട കച്ചോടം മാത്രമായിരുന്നില്ല സി.ഹസ്സാങ്ക സഹിബിന്റെതും..അത് ഹരിത രാഷ്ട്രീയത്തിന്റെ പച്ച തുരുത്തും,ആശാകേന്ദ്രവുമായിരുന്നു,. അവിടെ ചന്ദ്രിക, തൂലിക,മഹിളാ ചന്ദ്രിക,തുടങ്ങി ലീഗ് പ്രസിദ്ധീകരണങ്ങളും ,അഫ്കാര്,മുഹല്ലിം ,തുടങ്ങിയ സുന്നീ പ്രസിദ്ധീകരണങ്ങളും അവിടെ ആവശ്യക്കാര്ക്കു ലഭിക്കുകയും,പ്രസ്ഥാനിക ചര്ച്ചകളും നടക്കുമായിരുന്നു. വ്യത്യസ്ത വീക്ഷണങ്ങള് ഉള്ളവരും ഈ രണ്ടിടങ്ങളില് എത്തുകയും സഹിഷ്ണുതയോടെ ചര്ച്ച ചെയ്യുകയും,സംവദിക്കുകയും ചെയ്യുമായിരുന്നു.
ശരാശരി പാലതിങ്ങലില് കാരന്റെ വായനയുടെ തുടക്കം ഇവിടങ്ങളില് നിന്നായിരുന്നു.ഈ പഴയ കടകള്ക്ക് തിരശ്ചീനമായി കാവ്യനീതി പോലെ വായനക്കാര്ക്ക് വേണ്ടി ഇന്ന് മീഡിയ ലൈബ്രറി
ഉയര്ന്നു നില്കുന്നു ,, പുതു തലമുറക്ക് വായനയുടെ വാതായനങ്ങള് മലര്ക്കെ തുറന്നു വെച്ചിരിക്കുന്നു.ഇന്ന്
ചെഗുവേരയുടെ സിയാര മാസ്ട്ര പര്വതനിരകളിലെ ഗറില്ല പോരാട്ടവും ,മാവേസേത്തുങ്ങിന്റെ യനാണ് മലനിരകളിലെ സമരവീര്യവുമൊക്കെയും,സൂഫിസവും ,ഗാന്ധിസവും ,മതവും, രാഷ്ട്രീയവും നമ്മുടെ ഗ്രൂപ്പില് ചൂടേറിയ സംവേദനങ്ങള്ക്ക് വിധേയമാകുന്നത് വായന പകര്ന്നു നല്കിയ ഈ അടിത്തട്ടില് നിന്നാണ്..നമുക്ക് സംവദിക്കാനും ,അനുഭവങ്ങള് പരസ്പരം പങ്കു വെക്കാനും ഗ്രൂപിനു പുറമേ ഇതാ ബ്ലോഗും വന്നിരിക്കുന്നു .. നമ്മുടെ നാടിലെ യുവതയും കാലത്തോടൊപ്പം സഞ്ചരിക്കാന് തയ്യാറായിരിക്കുന്നു..നമുക്ക് എല്ലാ വിജയങ്ങളും ആശംസിക്കാം ...
ഹസ്സാങ്കയും കുഞ്ഞാപ്പു ഹാജിയും
Click Here
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ