 |
| Shaneeb Moozhikkal |
വേനൽ കാലങ്ങളിൽ നമ്മുടെ കടലുണ്ടിപ്പുഴയിൽ വെള്ളം കുറയുന്നതു മൂലം വിസ്താരമുള്ള ഒരു "മണപ്പുറം " രൂപപ്പെടാറുണ്ടായിരുന്നു മുൻ കാലങ്ങളിൽ. അതൊരു സന്തോഷമുള്ള കാലങ്ങളായിരുന്നു പലർക്കും.. വൈകുന്നേരങ്ങളിൽ അവിടം പലതരംകളികൾക്കൊണ്ടു നിറയുമായിരുന്നു .. ഒരുപാടു പേർക്കു പലതരം കളികൾക്കുള്ള വിശാലമായ സൗകര്യം ലഭിക്കുമെന്നതിനാൽ വൈകുന്നേരങ്ങളിൽ പാലത്തിങ്ങലെ ആളുകളെക്കൊണ്ടു നിറയുമായിരുന്നു മണപ്പുറം.. 4 മണിക്കു ശേഷം ആരംഭിക്കുന്ന കളികൾ " മഗ്‌ രിബു " ബാങ്ക്‌ കൊടുക്കുന്നതുവരെ തുടരും.. ആവേശം മൂത്താൽ ചിലപ്പൊൾ ഇരുട്ടുന്നതു വരെ നീണ്ടുനിൽക്കുമായിരുന്നു..
ചെറിയ ചെറിയ കുഴികളിൽ കെട്ടിനിൽക്കുന്ന
വെള്ളത്തിൽ പെട്ടുപൊയ മീനുകളെ പിടിക്കുകയും , പരന്നു കിടക്കുന്ന മണലിൽ തോന്നിയപോലെ "കുത്തിമറിയുകയും" ചെയ്യുകയായിരിക്കും ചെറിയ കുട്ടികളുടെ പരിപാടികൾ.. കൂടെയുള്ള ഒരുത്തനെ മണലിൽ പൂഴ്ത്തി തലമാത്രം പുറത്തേക്കു ബാക്കിയാക്കി "ഖബറടക്കുന്ന " ഒരു കളിയും അന്നുണ്ടായിരിന്നു കുട്ടികൾക്ക്‌... ( അന്നു മണൽ മാഫിയ ഇല്ലാത്തതിനാൽ മണലൊരു ' മോസ്റ്റ്‌ വാന്റഡു മറ്റീരിയൽ ' ആയിരുന്നില്ല..?!)
വൈകുന്നേര " ബഡായി പൊട്ടിക്കാനായി സ്ത്രീകൾക്കു പ്രത്യേക ഏരിയ ഉണ്ടായിരുന്നു.. രാത്രിയായാൽ അൽപമൊന്നു മിനുങ്ങുന്നവർക്കും , ചീട്ടുനിരത്തുന്നവർക്കും നല്ലൊരു ഇടമായിരുന്നു നമ്മുടെ ആ പഴയ മണപ്പുറം....!
പാലത്തിങ്ങൽ അങ്ങാടിയിൽ നിന്നും " ഷോപ്പിംഗ്‌" കഴിഞ്ഞു തൂക്കിപ്പിടിച്ച കവറുമായി പുഴ കടന്നു നാട്ടിലേക്കു പോകുന്ന ചുഴലിക്കാർ ഏതോ ദൂരദേശക്കാരാണെന്നായിരുന്നു
ഇന്ന് പക്ഷെ, കൃഷി ആവശ്യത്തിനും മറ്റുമായി വെള്ളം കെട്ടി നിർത്തുന്ന സംവിധാനങ്ങൾ ഉള്ളതുകൊണ്ടാവാം ആ പഴയ മണപ്പുറം അപ്രത്യക്ഷമായിട്ടു കുറെ കാലമായി....
ആ പഴയ മണപ്പുറത്തു വിലസിയ പലരും ഈ ഗ്രൂപിൽ ഉണ്ടെന്നു കരുതുന്നു .....അന്നവിടെന്നു പെറുക്കിക്കൂട്ടിയ വെള്ളാരം കല്ലുകളെപ്പോലെ ഒർമ്മകളെ പെറുക്കിപ്പറയൂ ഈ പുതിയ "ഫേസ്‌ ബുക്ക്‌ " തലമുറക്കുവേണ്ടി...........
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ