Mahsoom Pk
പുഴകളും പാലങ്ങളും നിറഞ്ഞ എന്റെ നാട് തുടങ്ങുന്നത് കിഴക്ക് പാലത്തിനോട് ചേര്ന്ന് നില്കുന്ന സ്രാമ്പി മുതല് പടിഞ്ഞാറ് പുത്തരിപാടത്തിനു ആരംഭം കുറിക്കുന്ന സ്ഥലത്തുള്ള മറ്റൊരു സ്രാമ്പി വരെയാണ് .കിഴക്കേ സ്രാംബിയില് നിന്ന് മര്ഹൂം ഉമ്മര് മൌലവി (ഉമ്മരാക്ക)യുടെ സുബഹി ബാങ്ക് കേള്ക്കുന്നതോട് കൂടി എന്റെ നാട് ഉണരാന് തുടങ്ങും.വിശ്വാസികള് നിസ്കാരത്തിനു പള്ളിയില് എത്തുന്നതുവരെ മൌലവിയുടെ മൈക്കിലൂടെയുള്ള ഖുറാന് പാരായണം.സുബഹിക്ക് ശേഷം നാട്ടുകാര് അവരുടെ ഇഷ്ട്ട ചായ കടയിലേക്ക് സുലൈമാനി അടിക്കാന് പോകും.കുട്ടുകാക്കന്റെ കട,ബീരന്കന്റെ കട,ജനത, deluxe എന്നിവയായിരുന്നു
പ്രധാന ഹോട്ടലുകള്.deluxe,janatha എന്നിവയ്ക്ക മാത്രമായിരുന്നു STAR പദവി ഉണ്ടായിരുന്നത് .സുലൈമാനിക്കൊപ്പം മുളയുടെ കുറ്റിയില് ചുറ്റ ചൂടുള്ള പുട്ടും ഉണ്ടാകും.പുട്ടിന്റെ ചൂടാരുന്നതിന്റെ മുമ്പേ ചൂടുള്ള വാര്ത്തയുമായി പത്ര വിതരക്കാരന് എത്തും. പ്രത്യേക കളറിലുള്ള ജില്ല പേജിലെ പെരുമ്പാമ്പിനെ പിടികൂടിയ ഫോട് അത്ഭുതത്തോടെ നോക്കിയുള്ള കാരണവന്മാരുടെ വായന കഴിയുമ്പോഴേക്ക് സമയം 6 മണിയോട് അടുത്തിരിക്കും.
Mahsoom Pk |
പ്രധാന ഹോട്ടലുകള്.deluxe,janatha എന്നിവയ്ക്ക മാത്രമായിരുന്നു STAR പദവി ഉണ്ടായിരുന്നത് .സുലൈമാനിക്കൊപ്പം മുളയുടെ കുറ്റിയില് ചുറ്റ ചൂടുള്ള പുട്ടും ഉണ്ടാകും.പുട്ടിന്റെ ചൂടാരുന്നതിന്റെ മുമ്പേ ചൂടുള്ള വാര്ത്തയുമായി പത്ര വിതരക്കാരന് എത്തും. പ്രത്യേക കളറിലുള്ള ജില്ല പേജിലെ പെരുമ്പാമ്പിനെ പിടികൂടിയ ഫോട് അത്ഭുതത്തോടെ നോക്കിയുള്ള കാരണവന്മാരുടെ വായന കഴിയുമ്പോഴേക്ക് സമയം 6 മണിയോട് അടുത്തിരിക്കും.
അങ്ങാടിയിലെ മരുത് മരത്തില് കൂട്കൂട്ടിയിരിക്കുന്ന കാക്കകള് തീറ്റ തേടി പോവാനുള്ള ഒരുക്കം.നാട്ടിലുള്ള തമിഴ് തൊഴിലാക്ളികള് പ്രഭാത കര്മങ്ങള്ക്ക് കൈടാല മനമ്മലെക്കുള്ള നെട്ടോട്ടം.കടലുണ്ടിയിലെക്കുള്ള ജസ്ന ബസ്സിലും പലക്കാട്ടെക്കുള്ള KKT ബസ്സിലും എത്തിയ ദൂരെയുള്ള മണല് തൊഴിലാളികള് നാട്ടിലുള്ള തൊഴിലാളികള്ക്കൊപ്പം മണല് വാരാന് തോണിയില് കിഴക്കൊട്ടൊരു യാത്ര.കിഴക്ക് നിന്ന് തോണി നിറയെ തേങ്ങയും അതുപോലെ ചങ്ങാട രൂപത്തില് പുഴയിലൂടെ തെങ്ങ കൊട് പോകുന്ന കാഴ്ചയും അന്ന് കാണാമായിരുന്നു.നേരം വെളുക്കുന്നതോട് കൂടി കൊട്ടന്തല,ചുഴലി,മക്കടമ്പ് ഭാഗത്തെ ക്ഷീര കര്ഷകര് പാലുമായി ഹോട്ടലുകളിലേക്ക് .ഭൂരിഭാഘം കര്ഷകരും നാടിലെ STAR ഹോട്ടലുകളിലായിരുന്നു പാല് കൊടുത്തിരുന്നത് .കുളിച്ചു കുറിതൊട്ട തമിഴര് പണിക്ക് വിളിക്കാന് വരുന്ന ആളുകളെ കാത്തു നില്ക്കുന്നതായിരുന്നു മറ്റൊരു കാഴ്ച.
പാറക്കടവ് ഒട്ടു കമ്പനിയില് നിന്ന് 7 മണി വിസില് മുഴങ്ങിയാല് കിഴക്ക് നിന്നുള്ള സൂര്യകിരണങ്ങളെ കീറി മുറിച്ചു അതാ ......ആലികുട്ടി കാക്കയുടെ രശ്മി ബസ്സ്.ബസ്സിനു പിന്നില് മീന് കുട്ട കെട്ടി തൂക്കി നാട്ടിലെ മീന്കച്ചവടക്കാര് പരപ്പനഗടിയിലെക്ക് .അങ്ങാടിയില് അടുത്ത ഊഴം ഉരുമാളില് ഖുറാനും കിതാബുകളും കെട്ടി മദ്രസയിലെക്ക് വരുന്ന വിധ്യാര്തികളുടെതായിരുന്നു.തൊപ്പി ധരിച്ചുകൊണ്ട് റോഡരികിലുള്ള തവരയോടും കുരുംതോട്ടിയോടും എന്റെ പാര്ട്ടി അപ്പ(കമ്മുനിസ്റ്റ് അപ്പ)യോടും സല്ലപിച്ചുള്ള ആ വരവ് നല്ലൊരു കാഴ്ചയായിരുന്നു.7.30 മുതല് മദ്രസ സജീവമാകും.പലപ്പോഴും റോഡിലൂടെ പോകുമ്പോള് സദര് ഉസ്താദിന്റെ തമാശകള് പുറത്തേക്ക കേള്ക്കാമായിരുന്നു.
അങ്ങാടിയുടെ പല ഭാഗങ്ങളിലായി നിര്മാണ തൊഴിലാളികളുടെ സംഗമമാണ് അടുത്തതു.വെട്ടികുത്തി ഹംസക്കയുടെയും അസ്സമുകാക്കയുടെയും സോണ്ട്രി മയമാക്കയുടെയും നെത്രതത്തില് PWD WORK നു പോവാന് കുഞ്ഞികോയക്കയുടെ പീടികക്ക് മുമ്പില് വലിയൊരു സംഘം തന്നെ ഉണ്ടാവും.അധിക ദിവസവും പ്രിയ സുഹൃത്ത് സുള്ഫീകറിന്റെ നാമധേയത്തിലുള്ള ലോറിയിലാണ് അവരുടെ യാത്ര.അതോട്കൂടി അങ്ങാടി കാലിയായി.
8 മണിയോട് കൂടിയാണ് നാട്ടിലെ വ്യവസായശാല ആയ കുണ്ടാനത്തു സ്വമില് പ്രവത്തന സജ്ജമാവും.ആദ്യ പണി അന്ന് ഈരാനുള്ള മരങ്ങള് റോഡില് നിന്ന് മില്ലിലെക്ക് എത്തിക്കലാണ് .പത്തള്ളിയിലെ കാദര് ബാപ്പുവിന്റെ നെത്രതത്തിലായിരിക്കും അത് .
എട്ടരയോടെ കൊട്ടന്തല റോഡില് നീന്നും കണക്ക് ബുക്കും പിടിച്ചു തോളില് ഒരു തോര്ത്തു മുണ്ടും ഇട്ടു KVP കാക്ക റേഷന് കട തുറക്കാന് എത്തും.അതോട്കൂടി തുര്ക്കി ബസാര് സജീവമാകും.അവിടെയായിരുന്നു ചുമട്ടു തൊഴിലാളികളുടെ സംഗമ കേന്ദ്രം.ചീനിമരത്തിനു ചുവട്ടില് കുറച്ചു കൈവണ്ടിയും തങ്ങളുടെ സൈക്കള് ഷോപ്പും,ബീരന്കന്റെ ചായ കടയും,കലന്തരിന്റെ ബാര്ബര് ഷോപ്പും,MDP യുടെ തുന്നല് കട,കബീറിന്റെ ചെരിപ്പ് കട,അയമുട്ടി കാക്കാന്റെ കട ഒക്കെ അടങ്ങിയ പലതിങ്ങലിന്റെ പടിഞ്ഞാറന് അങ്ങാടി ആയിരുന്നു തുര്ക്കി ബസാര്.ഉപ്പ് പെട്ടി അടയാളം വെച്ചതായിരുന്നു നാട്ടിലെ മസാല കടകള്.ലൂണ സ്കൂട്ടറില് ഒരു ചാക്ക് ഉള്ളിയുമായി അയമുട്ടിയാക്ക എത്തുന്നതോടെ തുര്ക്കി ബസാറിലെ ഹോല്സയില് കചോടത്തിനു തുടക്കമാവും.
രാവിലെ രശ്മി ബസ്സില് പോയ മീന്കച്ചവടക്കാര് എത്തുന്നതോടെ കിഴക്കന് അങ്ങാടിയും സജീവമാകും.മീനിലെക്കുള്ള പച്ചക്കറികളുമായി നാടിലെ നിഷ്കളങ്ക വ്യാപാരി ഹസ്സന്ക യും രേടിആവും.
അങ്ങാടി സജീവമായ സമയത്ത് നാട്ടിലെ ആദംഭാര യാത്രക്കാരെ പ്രതീക്ഷിച്ചു തയ്യചിയിലെ 2709 കാറും,ചുഴലി കുഞ്ഞാലന് ഹാജിയുടെ 2669 ജീപും സ്റ്റാന്ഡില് എത്തും.നാട്ടു കാരണവന്മാരുടെ പ്രധാന Beautician കുന്തുമായമാക്ക ആയിരുന്നു.
അങ്ങാടിയുടെ ഹൃദയഭാഗത്ത് ജാഫര്ക്കയുടെ വരികള് പോലെ "പടര്ന്നു പന്തലിച്ചൊരുവന്മാരമായി തലയുയര്ത്തി നില്കുന്ന"ഒരു സ്ഥാപന മുണ്ടായിരുന്നു.ആതാണ് നമ്മുടെ ആത്മ വിദ്യാലയം.പരപ്പനങ്ങടിക്കാരന് വൈദ്യരുടെ കടയായിരുന്നു നാട്ടിലെ ഏക കഷായ പീടിക.സ്ചൂളിനോട് ചേര്ന്ന് ഒരു കൊല്ലപീടികയുണ്ടായിരുന്നു.ഉമ്മെരുട്ടിയാക്ക ആയിരുന്ന മസാല കടകളിലെക്കുള്ള സദനങ്ങള് കൊണ്ട് വന്നിരുന്നത്.പരപ്പനഗടിയില് നിന്ന് കൈവണ്ടിയിലായിരുന്നു സാധനങ്ങള് എത്തിയിരുന്നത്.
തട്ടാന് ദാസമണിയുടെ വെള്ളി അരഞ്ഞാണ നിര്മാണം അങ്ങാടിയിലെ ഒരു കൌതുക കാഴ്ചയായിരുന്നു.അങ്ങാടിയിലെ പ്രധാന പെട്ട മൂന്നു കഥ പാത്രങ്ങള് ആയിരുന്നു.ലോക ഉസ്താദ്,ഇമ്പിച്ചി അഹമ്മദ് ,സൂര്യനെ ആര്രധിക്കുന്ന മറ്റൊരാള് .വൈകുന്നേരങ്ങളില് ഒരുപാട തെരുവ് കച്ചവടക്കാര് നമ്മുടെഅങ്ങാടിയില് വരാറുണ്ടായിരുന്നു .അതില് പ്രധാനം മാന്ഫി തൈലം.ചില ദിവസങ്ങളില് കുരികല്യനങ്ങള് ഉണ്ടായിരുന്നു.വൈകുന്നേരത്തെ പ്രാദേശിക വാര്ത്ത പൊതു ജനങ്ങളുടെ അഭിപ്രായം മാനിച്ചു ചില കടകളില് ഉച്ചത്തില് വെക്കാരുണ്ടായിരുന്നു .....
GOOD
മറുപടിഇല്ലാതാക്കൂ