Kamran Sreemon |
പത്ത് മിനുട്ട് ഒരു പ്രദേശമാകെ ഇരുട്ടിലാക്കി കൊണ്ട് മുഹമ്മദ്ക്ക തന്റെ മെയ് വഴക്കം ഒരിക്കലൂട് തെളിയിച്ചു.
പാലത്തിങ്ങല് കൊട്ടന്തല-മീന്കുഴി പ്രദേശത്തെയാണ് നെച്ചിക്കാടന് മുഹമ്മദ്ക്ക ഇന്നലെ ഇരുട്ടിലാക്കിയത്.,അത് പക്ഷെ, പ്രദേശത്തുകാരുടെ രക്ഷയ്ക്ക് വേണ്ടിയാരിരുന്നു.
മീന്കുഴി റോഡിലെ ആദ്യ വളവിലുള്ള ഷാജിയുടെ വീട്ടു മുറ്റത്തുള്ള തെങ്ങോലയില് വളര്ന്ന് വലുതായ കടന്നല് കൂട് മാസങ്ങളോളമായി പരിസരവാസികളുടെ ഉറക്കം കെടുത്തുന്നു.
സഹികെട്ട നാട്ടുകാര് പഞ്ചായത്തില് പരാതിപ്പെട്ട പ്രകാരം പഞ്ചായത്താണ് മുഹമ്മത്ക്കയെ ഏല്പ്പിച്ചത്.
തെക്കന്മുക്കില് നിന്നും പാലത്തിങ്ങലേക്ക് താമസം മാറിയ മുഹമ്മത്ക്ക കഴിഞ്ഞ ഇരുപത് വര്ഷമായി ഇത്തരം സാഹസിക ഉദ്യമങ്ങള് ഏറ്റെടുത്ത് നടത്തുന്നു.
നാട്ടുകാര്ക്ക് ഭീഷണിയാകുന്ന കടന്നല്- തേനീച്ച കൂടുകള് നശിപ്പിക്കുക, ഭീഷണിയാകുന്ന വിഷ സര്പ്പങ്ങളെ പിടിക്കുക, പേപ്പട്ടികളെ തുരത്തുക തുടങ്ങീയ ജോലികള് പഞ്ചായത്തിന്റെയും ബന്ധപ്പെട്ട അധികാരികളുടെയും നിര്ദേശപ്രാകാരം ഏറ്റെടുത്ത് നടത്തുന്നു.തുടക്കം മുതല് ഇന്നുവരെ ഒന്നിലുംഒരല്പം പോലും
പിഴവ് പറ്റിയിട്ടില്ലെത്രേ!!
KSEB യുടെ സഹായത്തോടെ പ്രദേശത്തേക്കുള്ള കറന്റ് ഓഫാക്കി, പ്രത്യേക രീതിയില് അറ്റത്ത് കൊളുത്തോടു കൂടി തയ്യാറാക്കിയ നീണ്ട പന്തത്തിന് തീ കൊളുത്തി അത് കടിച്ച് പിടിച്ച് തെങ്ങില് പകുതിയോളം കയറി. അവിടെ നിന്ന് ഒരു കൈ കൊണ്ട് ആളികത്തുന്ന തീ പന്തം കടന്നല് കൂടിലേക്ക് പിടിച്ച് തീ കൊളുത്തുമ്പോള് തന്നെ കൂട് കൊളുത്തി വലിച്ച് താഴെയിട്ടു.
ഒരു ഹുങ്കാരത്തോടെ കടന്നലുകള് ചത്തൊടുങ്ങുമ്പോള് മുഹമ്മദ്ക്കയുടെ മുഖത്ത് ഒരു ദൗത്യം കൂടി വിജയിച്ചതിന്റെ മന്ദസ്മിതമുണ്ടായിരുന്നു..
ലൈറ്റണച്ചില്ലെങ്കില്, തീചൂടേല്ക്കുമ്പോള് കടന്നലുകള് വെളിച്ചമുള്ളെടത്ത് പറന്നത്തും അതിനാലാണ് രാത്രിയാകാന് കാത്തു നില്ക്കുന്നതുംലൈറ്റുകള് അണക്കുന്നതും എന്ന് മുഹമ്മദ്ക്ക പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ