ജീവിതത്തിന്റെ തിരക്കിനും, പ്രാരാബ്ധത്തിനും ഇടയിലും സ്വന്തം നാടിന്റെ ഓര്‍മ്മകള്‍ മനസ്സില്‍ സുഖമുള്ള ഒരു നൊമ്പരമായി അനുഭവപ്പെടാത്തഒരാളു പോലും ഉണ്ടാവുകയില്ല...കളിച്ചും, ചിരിച്ചും, പരിഭവിച്ചും, പിണങ്ങിയും, നടന്ന കുട്ടിക്കാലം, ഉപ്പയുടെയും ഉമ്മയുടെയും , സഹോദരങ്ങളുടെയും സ്നേഹ വാത്സല്യത്തിന്റെ ചൂടും, സുഖവും അനുഭവിച്ച സ്കൂള്‍ ജീവിതത്തിലെ ദിവസങ്ങള്‍, ക്രിക്കറ്റ്‌ ഉം ഫുട്ബോളും നെഞ്ചിലേറ്റി ആരാധിച്ചു പോന്ന ദിവസങ്ങള്‍, അങ്ങിനെ എല്ലാ ഓര്‍മ്മകളും നമ്മളെ കൈ പിടിച്ചു കൂട്ടി കൊണ്ട് പോകുന്നത് നാം എല്ലാം ജനിച്ചു വളര്‍ന്ന നമ്മുടെ നാട്ടിലെകാണ്.ഇനിയുള്ള കാലം നമ്മുടെ നാട് എപ്പോഴും നമ്മോടൊപ്പം ഉണ്ടായി കൊള്ളണമെന്നില്ല, അല്ലെങ്കില്‍ നമ്മള്‍ അവിടെഉണ്ടായി കൊള്ളണമെന്നില്ല, ജീവിക്കാനുള്ള മാര്‍ഗങ്ങള്‍ നോക്കി നമ്മള്‍ എവിടെപോയാലും എന്നെങ്കിലും തിരിച്ചു വരണമെന്ന് തോന്നുന്നത് ഇങ്ങോട്ട മാത്രമല്ലെ..? ..വര്‍ഷങ്ങളില്‍ വീണു കിട്ടുന്ന വിരലില്‍ എണ്ണാവുന്ന അവധി ദിവസങ്ങളില്‍ ഒരു ഓട്ട പ്രദക്ഷിണം പോലെ നാട്ടിലേക്ക് സന്ദര്‍ശനം നടത്തുന്ന നമ്മളില്‍ പലർക്കും ആ പഴയ ഓര്‍മ്മകള്‍ എല്ലാം ഒരിക്കൽ കൂടി പങ്കുവെക്കാൻ ആഗ്രഹമില്ലേ?..അതിനാൽനാട്ടിലെ ഓർമ്മകൾ,വിശേഷങ്ങൾ ,കഥകൾ,അനുഭവങ്ങൾ എല്ലാം എല്ലാവരുമായും ഇവിടെ പങ്കുവെക്കൂ...

2014, ജനുവരി 13, തിങ്കളാഴ്‌ച

പൂളയും , മത്തിക്കറിയും

Shaneeb Moozhikkal
നല്ല പൂളയും , മത്തിക്കറിയും കഴിച്ചിട്ട് എത്ര നാളായി .....? ക്രിസ്തുമസ്സു ഒഴിവായതിനാല്‍ ഇന്ന് റൂമില്‍ പൂളയും മത്തിക്കറിയും പാചകം ചെയ്തു .. ഒരുപാട് ഓര്‍മ്മകള്‍ പാഞ്ഞു വന്നപ്പോള്‍ നാട്ടിലെ " പൂളക്കാലം " സന്തോഷം നല്‍കി . പാലത്തിങ്ങല്‍ അങ്ങാടിയില്‍ ആദ്യം രണ്ടു
പൂളക്കച്ചവടക്കാര്‍ ഉണ്ടായിരുന്നു . ഇപ്പോള്‍ ഒരാളെ ഉള്ളൂ എന്നാണറിവ് .. 

ആദ്യമൊക്കെ " കവുങ്ങിന്‍ പാള " കൊണ്ടുണ്ടാക്കുന്ന കയറ് ഉപയോഗിച്ചാണ് പൂള കെട്ടി നല്‍കിയിരുന്നത് .. അന്ന് രണ്ടു കിലോ പൂള വാങ്ങി വീട്ടിലെത്തുന്പോഴേക്ക് അത് ഒരു കിലോ പൂള മാത്രമായിരിക്കും .. ബാക്കിയുള്ളത് വഴിയില്‍ ഓരോ കഷ്ണങ്ങളായി കൊഴിഞ്ഞു പോയിട്ടുണ്ടായിരിക്കും .. ഇന്ന് എല്ലാം പ്ലാസ്റ്റിക് കവറില്‍ ഭദ്രമാണ്.....! 

ഈ ഫോട്ടോയില്‍ കാണുന്നത് പാലത്തിങ്ങല്‍ അങ്ങാടിയില്‍ പൂളക്കന്പുകള്‍ കെട്ടിവച്ചിരിക്കുന്നതാണ്... ഇതൊക്കെ തിന്ന്‌ തീര്‍ത്തവര്‍ ഈ ഗ്രൂപിലുണ്ടോ ....?
ഫേസ് ബുക്കിൽ വായിക്കാൻ ഇവിടെ ക്ലിക്കുക

Posted by at

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ

ഇതിനായി സബ്‌സ്ക്രൈബ് ചെയ്ത: പോസ്റ്റിന്റെ അഭിപ്രായങ്ങള്‍ (Atom)