 |
Kamran Sreemon |
"ഉം..ഹും, ഇല്ല"
"എഴുതാനൊരു തുണ്ടം കടലാസ് ചോദിച്ചപ്പോ, ഒരു നോട്ട് ബുക്ക് തന്നെ നീട്ടിയ അവനോടൊട്ടും പ്രേമം തോന്നിയിട്ടില്ലേ..?"
"ഉം..ഹും, ഇല്ല"
"നിന്‍റെ മറവിയില്‍, നിന്‍റെ പിഴവുകളില്‍, നിന്‍റെ
നിസ്സാരമായ പോരായ്മകളില്‍ പോലും പരിഹാരവുമായി ചാരെ നില്‍ക്കുന്ന അവനെ നീ പരിണയിക്കുന്നില്ലെന്നോ?"
"ഇല്ല"
"നീ ഒരു പൂ ചോദിച്ചപ്പൊ,
ഒരു കുല പൂ തന്നെ ഇറുത്ത് തന്ന അവനെ നീ സ്നേഹിക്കുന്നേയില്ല?"
"ഇല്ലേ..യില്ല"
"നിന്‍റെ മനസ്സില്‍ കയറാനും, നിന്നെ സ്വന്തമാക്കാനുമാണവന് വീടും കുടുംബവും നാടും പഠനവുമെല്ലാം ത്യജിക്കേണ്ടി വന്നത്.. എന്നിട്ടും നീ അവനെ ഇഷ്ടപ്പെടുന്നില്ലെന്നോ?"
"ഇല്ലെന്നു പറഞ്ഞില്ലേ"
"പിന്നെ അവനെക്കുറിച്ച കാഴ്ചപ്പാടെന്താണ്?"
"അവനു് ഭ്രാന്താണ്..മുഴുത്ത ഭ്രാന്ത്"!!
"കണ്ടല്ലോ, ഇവളുടെ അസുഖങ്ങളെല്ലാം മാറിയിരിക്കുന്നു.. നിങ്ങള്‍ക്കവളെ കൊണ്ടു് പോകാം..ധൈര്യമായി.."
ബാഗും തൂക്കിപ്പിടിച്ച് അറ്റന്‍ററോടൊപ്പം പുറത്തേക്ക് കടന്ന അവളെ ചൂണ്ടിയാണ് ഡോക്ടര്‍ അവളുടെ പാരന്‍റ്സിനോട് അങ്ങനെ പറഞ്ഞത്..
മൂടില്ലാത്ത ബക്കറ്റ് കൊടുത്ത് വെളളം കോരിക്കുന്ന; കയ്യിലൊരു ബ്രഷ് കൊടുത്ത് ഐസുകട്ടയില്‍ പെയിന്‍റടിക്കാന്‍ ആവശ്യപ്പെടുന്ന; ആണിയോടൊപ്പം ചുറ്റികയും നല്‍കി വെളളത്തില്‍ ആണിയടിക്കാന്‍ പറയുന്ന, "മാനസീകം" കണ്ടു് പിടിക്കാനുളള പരീക്ഷണങ്ങളെല്ലാം ഇന്നെത്ര മാറിയിരിക്കുന്നു!!
- kamran vk -
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ